¿Que che apetece subir nota?... ¡Fai un traballo!

O vindeiro 16 de abril celébrase o Día Internacional da Voz. A nosa voz é o máis perfecto e polivalente instrumento e por este motivo Musicareira anima a todo o alumnado de 5º e 6º que queira subir ata 0,5 puntos na nota do exame a que entregue un traballo sobre: Un/unha cantante.

Os traballos deberán seguir as seguintes premisas:

1. Nome do/a cantante elixido/a e un resumo da súa biografía coas súas obras ou discos máis emblemáticos.
2. Un breve comentario sobre se che gusta a súa música en xeral (ou unha peza en concreto) intentando explicar o por qué.
3. Unha ligazón de Youtube, Vimeo... ou outro tipo de vídeo onde se poida ver algunha obra.
4. A bibliografía empregada (listaxe de obras, libros, enciclopedias, diccionarios, páxinas web... que empregaches para conseguir a información para este traballo)
5. O traballo deberá ser entregado en papel.
6. Mínimo de 1 folios (dúas páxinas).
7. O traballo non pode ser copia de ningún outro e debe estar elaborado por vós.
8. O traballo deberá estar escrito en galego e seguir a seguinte estrutura:

Título do traballo

Cantante e a súa biografía

Algúnha ligazón de Youtube

Bibliografía empregada

Para calquera dúbida podedes consultar a través do correo electrónico cepcarreira@gmail.com ou ben falando directamente co mestre de música.